Berria egunkariaren analisi bat
Egunkari guztiek ez dute berri guztiekin berdin jokatzen,
izan ere, euren ildo editorialaren politikaren araberako garrantzia ematen
diete berriei. Horregatik, egunkari batean lehen orrialdeko berri nagusia den
gai bat, beste egunkari batean bigarren mailako berria izan daiteke, edota,
muturrera joz, baliteke berri hori aipatu ere ez egitea. Horixe bera da
aukeratu dudan egunkariaren paperezko edizioaren berririk garrantzitsuenarekin
gertatu dena. Gaur ostirala da, 2021eko abenduaren 17a; eta Berriako azalean
dagoen notizia honakoa da: “Murgiltze eredua erabiltzea “posible” dela ezarri
du Frantziako Gobernuak”. Euskarazko hezkuntzari zuzenean eragiten dion berria da eta Berriaren ildo
editorial bakarrarekin bat egiten du: euskara. Beste komunikabide batzuetan
berri hau bilatu; Gara egunkariaren online edizioan agertzen den artean, Eitb.eus atarian ez da aipatu ere egiten.
Egunkariaren edizio digitalera joz gero, Frantziako
Hezkuntza Miniesterioari buruzko berria nahiko behean agertzen dela ikus
dezakegu (irudian gezia jarri dut nabigatzailean behera jo dudala adierazi
nahian). Zehazki, “Gizartea” atalean agertzen da, ez berri nagusietan.
Ezin dut asmatu zein izan daitekeen berrien aurkezpen
ezberdin hauen arrazoia, izan ere, paperezko edizioan elkarrizketako aipamena
ere agertzen da lehenengo orrian. Baina, egia da ez-ohikoa dela paperezko
egunkari bateko berri nagusia elkarrizketa bat izatea, ez bada oso oso ez-ohiko
elkarrizketa bat.
Esan genezake euskara eta euskararekin lotutako gaiak direla
Berriako irakurle guztiek amankomunean duten interesa, eta egunkariaren beraren
ezaugarri da, googleeko bilaketaren emaitzan ikusten den bezala:
Horregatik, ez da harritzekoa batetik egunkariak Euskararekin lotutako berriei ematen dion garrantzia, eta bestetik, irakurleek ere gehien irakurri dituzten bost berrien artean, bigarrenak eta hirugarrenak Euskararekin harremana izateak:
Berria eta Zientzia
Abenduaren 17 honetan, zientziari buruzko berririk ba ote
den begiratu dut Berrian. Eta bai, badago, bai paperean bai sareko bertsioan.
Paperean azkenengo orrietan ageri dira, berri bat, iritzi artikulu bat eta
elkarrizketa bat. Azken hau egunkariaren atzeko orrian. Ez dut pentsatu nahi
azkenengo orrietarako uzteak garrantzia kenduko dionik gaiari, izan ere, asko
gara egunkaria atzekoz aurrera irakurtzen dugunok… Deigarria iruditu zait
zientziari buruzko berriaren aurkezpen landuak, orain erakutsiko dudan bezala.
Bertsio original hau papererako bakarrik erabili dute eta on-line aldaeran
testu huts modura aurkeztu dute.
Deigarria
iruditu zait berria modu honetara ematea egunkariaren ia bi orrialde betetzen
dituelako, gainera, koloretan. Uste dut hori egitea garestia dela argitalpen
mailan, baina bestalde, agian berria testu hutsean emanda jende gutxiagok
irakurriko luke. Beraz, uste dut gauzak honela kontatzeak irakurleak erakar
ditzakeela. Izan ere, apustu egingo nuke jende gehiagok irakurriko duela berri
hau, ondoan bi zutabetan agertzen den iritzi artikulua baino.
Zientziari buruzko azkenengo artikulua, mediku bati egindako elkarrizketa bat da eta egunkariaren azkenengo orrian agertzen da. Orri hau egunkarietan irakurrienetakoa izan ohi da. Maialen Berridi familia medikuak argitara eman duen liburuaren ildotik elkarrizketa egin diote. Gaia zientzia eta gizartearen erdibidean kokatzen dela uste dut, izan ere, pandemia/post-pandemia garai hauetan, medikuntzak berebiziko garrantzia dauka gure artean. Berriak bere Twiterreko kontuan ere aipatzen du elkarrizketa; Twiterreko mezu motza, paperezko edizioaren azpititulua bera da eta sareko egunkarirako lotura gehitzen dute:
|
|
Honezaz
gainera, Twiterren paperezko egunkariko bi berri nagusiak ere ageri dira; bai
eta sareko bertsioko berri nagusia. Azken hau izan da Twiterren argitaratu
duten lehena. Txio bakoitza behin bakarrik eman dute eta guztietan berriarekin
lotutako argazki bat gehitu dute. Facebook-en eta Instagram-en, ordea, ez dut
aurkitu Berriaren gaurko argitalpenik. Hona txioak:
Berrian, berriak berri
Azkenik,
lan hau egiten hasi naizenetik, Berriaren web orriko albisteak aldatu egin dira
(paperezkoari oraindik ez diot buelta eman, baina ez dut uste ezer aldatu denik
gaur goizetik…). Orain notizia euskararena izan ordez, gehiengo sindikalak deitutako manifestazioari buruzko da.
Batetik, on-line egunkaria etengabe eguneratzen ari da,
notizia berriak agertzen diren neurrian. Hori paperean egitea ezinezkoa da. Eta
bestetik, baliteke Berria bere Twiterraren bidez, gutxinaka argitaratu dituen
berri guztiak zabaltzen aritzea egunean zehar, sortzen diren kontu berriekin
batera.
Comentarios
Publicar un comentario